Դավութօղլուի հիմնած կուսակցության կանոնադրության մեջ տեղ է գտել «ստվերային կառավարության» մասին դրույթ

Քաղաքական14:43, 17 Դեկտեմբեր 2019

Դավութօղլուի հիմնած կուսակցության կանոնադրության մեջ տեղ է գտել «ստվերային կառավարության» մասին դրույթ

Թուրքիայի նախկին վարչապետ, արտաքին գործերի նախարար Ահմեթ Դավութօղլուի հիմնած «Ապագա» կուսակցության ծրագրում տեղ է գտել «ստվերային կառավարության» վերաբեյալ դրույթ։

«Ստվերային կառավարության» գաղափարը բավականին երկար ժամանակ քննարկվում է Թուրքայի քաղաքական շրջանակներում։ Այն դիտարկվում է որպես այլընտրանքային կառավարություն, որը վերահսկիչ գործառույթ է իրականացնում երկրի գործող կառավարության վրա:

Այն հիմնականում տարածված է խորհրդարանական կառավարման համակարգ ունեցող երկրներում և կազմվում է ընդդիմադիր քաղաքական կուսակցություններից։

«Ստվերային կառավարության» մոդելը կիրառվում է այնպիսի երկրներում, ինչպիսիք են օրինակ Մեծ Բրիտանիան, Կանադան, Նոր Զելանդիան և Ավստրալիան։

Թեև Թուրքիայում մինչև այժմ բազում թեժ քննարկումներ ու բանավեճեր են ծավալվել այս հարցի շուրջ, բայց առաջին անգամ է, որ «ստվերային կառավարության» գաղափարը որպես նպատակ ամրագրվում է մի որևէ կուսակցության, տվյալ դեպքում Դավութօղլուի ղեկավարած քաղաքական ուժի ծրագրում: