Քաղաքական11:18, 25 Փետրվար 2020
Անգլիայում ահաբեկչական կհայտարարվեն PKK-ի հետ կապված քրդական ևս 2 կազմակերպություն
Անգլիայում և Գերմանիայում վերջերս տեղի ունեցած ահաբեկչություններից հետո Լոնդոնը թարմացնում է իր կողմից ահաբեկչական ճանաչված ու արգելված կազմակերպությունների ցանկը:
Խորհրդարան ներկայացված նախագծով եվրոպայում գործող 2 այլ կազմակերպությունների հետ միասին նախատեսվում է արգելել նաև քրդական «TAK»-ի և «HPG»-ի գործունեությունը, որոնց Թուրքիան համարում է «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության մաս:
Ըստ թուրքական պաշտոնական դիրքորոշման՝ 2004-ին հիմնված «TAK»-ը (Քուրդիստանի ազատագրության բազեներ-ՔԱԲ), որը Թուրքիայում մի շարք զինված հարձակումներ է իրականացրել, համակարգվում է PKK-ի կողմից՝ չնայած 2 կազմակերպությունները բազմիցս հայտարարել են, որ իրար հետ կապ չունեն:
Քրդական մյուս կազմակերպությունը՝ «HPG»-ն (Ժողովրդի պաշտպանության ուժեր-ԺՊՈւ), հիմնվել է 1986թ. «Քուրդիստանի ժողովրդի փրկության բանակ» անունով: 2000թ. կայացած PKK-ի համագումարի ժամանակ անվանափոխվել է՝ ստանալով ներկայիս անունը: Այս կազմակերպությունը բացահայտ հայտարարում է PKK-ի մաս կազմելու մասին և ըստ թուրքական կողմի՝ HPG-ի վրա են դրված Թուրքիայի տարածքում ոստիականակaն բաժանմունքների ու զորամասերի վրա իրականացվող հարձակումները:
Ավելացնենք, որ Անգլիայում ահաբեկչական կազմակերպություններին աջակցողները կարող են դատապարտվել մինչև 10 տարվա ազատազրկման:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |