Քըլըչդարօղլուն Ռուսաստանում Թուրքիայի պատվիրակության նկատմամբ վերաբերմունքը ամոթալի է որակել

Քաղաքական17:14, 10 Մարտ 2020

Քըլըչդարօղլուն Ռուսաստանում Թուրքիայի պատվիրակության նկատմամբ վերաբերմունքը ամոթալի է որակել

Թուրքիայի գլխավոր ընդդիմադիր «Ժողովրդահանրապետական» կուսակցության (CHP-ԺՀկ) նախագահ Քեմալ Քըլըչդարօղլուն կուսակցական ժողովի ընթացքում անդրադարձել է Թուրքիայի նախագահ Ռեջեփ Թայիփ Էրդողանի գլխավորած պատվիրակության՝ Ռուսաստանի մայրաքաղաք Մոսկվայում Վլադիմիր Պուտինի հետ կայացած հանդիպմանը։

Քըլըչդարօղլուն նշել է, որ ռուսական պետական հեռուստաընկերությունը դիտավորյալ է ցուցադրել այն կադրը, որտեղ երևում է, թե ինչպես են Թուրքիայի պատվիրակության անդամներին սպասեցնում ոտքի վրա կանգնած մինչև հանդիպումը սկսվելը։

Ընդդիմադիր գործիչը հայտնել է նաև, որ համաձայնագրի տեքստը ռուսական կողմը նախօրոք էր պատրաստել՝ առանց թուրքական կողմի հետ բանակցելու։

Այս ամենը ընդդիմադիր կուսակցապետըն որակել է «մինչ այժմ չտեսնված և չլսված ամոթ Թուրքիայի համար»։

«Սկզբում իշխանությունները խոսքով առույծ էին կտրում, մինչդեռ հիմա ուրախացել են հրադարարի համար։ Այդ դեպքում Էրդողանին պետք է հարցնել, թե վերջին 1 ամսում 59 թուրք զինվոր հանուն ինչի՞ զոհվեց»։