Թուրքիայում շտապօգնության ուղղաթիռի վայրէջքին խանգարած քաղաքացին ձերբակալվել է

11:43, 04 Մայիս 2020

Թուրքիայում շտապօգնության ուղղաթիռի վայրէջքին խանգարած քաղաքացին ձերբակալվել է

Թուրքիայի Սամսուն նահանգի Վեզիրքյոփրյու շրջանում քաղաքացին թույլ չի տվել շտապօգնության ուղղաթիռին՝ վայրէջք կատարել իր հողատարածքում։

Մայիսի 2-ին Ալթընքայա թաղամասում 54-ամյա քաղաքացին սրտի կաթված է ստացել։ Համավարակի պատճառով գործող սահմանափակումներից ելնելով՝ լճափին գտնվող բնակավայր հասնելու համար շտապօգնության ուղղաթիռ է կանչվել։ Ուղղաթիռը փորձել է վայրէջք կատարել ցորենի արտում, բայց հողատարածքի տերը թույլ չի տվել։

Վեզիրքյոփրույի գլխավոր հանրապետական դատախազությունը քաղաքացու դեմ հետաքննություն է սկսել, նրան ձերբակալելու որոշում է կայացվել։ Հողատերը նաև վարչական տույժի է ենթարկվել՝ տուգանվելով 3․180 լիրայով (շուրջ 452 ԱՄՆ դոլար)։

Աղբյուր` milliyet.com.tr