«Կոկա-Կոլա Թուրքիա» ընկերությունը կորոնավիրուսի դեմ պայքարում հսկայական աջակցություն է տրամադրել

Տնտեսական14:39, 21 Մայիս 2020

«Կոկա-Կոլա Թուրքիա» ընկերությունը կորոնավիրուսի դեմ պայքարում հսկայական աջակցություն է տրամադրել

Թուրքիայում կորոնավիրուսի համաճարակի դեմ պայքարում երկրի բոլոր խոշոր ձեռնարկությունները իրենց ներդրումն են կատարում։

Բավականին մեծ չափով աջակցություն է ցուցաբերել նաև «Կոկա-Կոլա Թուրքիա» ընկերությունը։ Ընդհանուր առմամբ մինչ այժմ ընկերությունը կորոնավիրուսի դեմ պայքարի շրջանակներում տարբեր նպատակների համար տրամադրել է 13 միլիոն թուրքական լիրա (ավելի քան 1 միլիոն 900 հազար դոլար) աջակցություն։

«Կոկա-Կոլա Թուրքիա» ընկերությունը նյութական օգնություն է տրամադրել «Կարմիր մահիկին» և բազմաթիվ հասարակական կազմակերպությունների։

Ընկերությունը անտարբեր չէր մնացել նաև Թուրքիայի նախագահ Ռեջեփ Թայիփ Էրդողանի կոչին՝ «Ազգային համերաշխության արշավ» անվանումով և «Ի՛մ Թուրքիա. մենք մեզ բավարար ենք» կարգախոսով դրամահավաքին։ «Կոկա-Կոլա Թուրքիա» ընկերությունն իր մեջ ներառող «Anadolu Grubu» հոլդինգը արշավի շրջանակներում 5 միլիոն թուրքական լիրա (735 հազար դոլար) գումար էր նվիրաբերել, իսկ միայն Կոկա-Կոլա ընկերությունը 1.25 միլիոն լիրա։

Ընկերության պատասխանատուները հայտնել են, որ շարունակելու են աջակցություն տրամադրել Թուրքիային կորոնավիրուսի համաճարակի դեմ պայքարի շրջանակներում։