Համաշխարհային բանկը 2020թ․վերջին Թուրքիայի համար 3․8% տնտեսական անկում է կանխատեսում

Տնտեսական13:47, 09 Հունիս 2020

Համաշխարհային բանկը 2020թ․վերջին Թուրքիայի համար 3․8% տնտեսական անկում է կանխատեսում

Համաշխարհային բանկը կորոնավիրուսի համավարակի պատճառով կտրուկ նվազեցրել է Թուրքիայի 2020թ․ տնտեսական աճի կանխատեսման ցուցանիշը։

ՀԲ-ի հրապարակած զեկույցի համաձայն՝ Թուրքիայի համար 2020թ․ վերջին 3․8 տոկոս տնտեսական անկում է կանխատեսվում։

Զեկույցում նշվում է, որ Covid-19-ի բացասական ազդեցությունն արագորեն աճում է, ինչի արդյունքում ակնկալվում է, որ Թուրքիայի տնտեսությունը և բնակիչների եկամուտներն անկում են ունենալու։

ՀԲ-ն Թուրքիայի համար 2021թ․5 տոկոս տնտեսական աճի ցուցանիշ է կանխատեսել։

Reuters-ի կողմից 14 ընկերության մասնակցությամբ կատարված սոցհարցման արդյունքներով՝ այս տարի Թուրքիայի համար 0․75 տոկոս տնտեսական անկում է սպասվում, իսկ Moody’s-ի տվյալներով՝ անկման ցուցանիշը 5 տոկոս է կազմում։

Չնայած այս կանխատեսումներին, Թուրքիայի ֆինանսների և գանձապետարանի նախարա Բերաթ Ալբայրաքը համոզմունք է հայտնել, որ տարեվերջին Թուրքիայի տնտեսությունը աճ կգրանցի։

Հիշեցնենք, որ Համաշխարհային բանկն ավելի վաղ Թուրքիայի համար հրապարակած 3 տոկոս տնտեսական աճի ցուցանիշը փոխարինել էր 0․5 տոկոս աճի կանխատեսմամբ։

Աղբյուր` diken.com.tr