Ռազմական11:41, 08 Հուլիս 2020
Իդլիբում ռուս-թուրքական պարեկային ծառայությունն 1-ին անգամ իրականացվել է ամբողջ ծավալով
Սիրիայի Իդլիբ նահանգով անցնող Հալեպը Միջերկրական ծովի ափին միացնող M4 մայրուղու երկայնքով իրականացվել է ռուս-թուրքական 19-րդ համատեղ պարեկային հերթապահությունը։
Սիրիայում հակամարտող կողմերի հաշտեցման ռուսական կենտրոնի հաղորդման համաձայն՝ 1-ին անգամ հերթապահությունը կատարվել է մարտի 5-ին ձեռք բերված ռուս-թուրքական համաձայնությամբ նախատեսված երթուղու ողջ երկայնքով` հասնելով մինչև Այն-ալ-Հավր բնակաբայր։
Պարեկային ծառայությունն իրականացվել է ավելի քան 70 կմ երկարությամբ ճանապարհի վրա։
Հաղորդվում է, որ հերթապահությունը օդից հսկել են Ռուսաստանի ԶՈՒ-ին պատկանող անօդաչու թռչող սարքերը։ Ռուսական կողմից մասնակցել են БТР-82А զրահամեքենաներ։
Հիշեցնենք, որ Իդլիբում համատեղ պարեկություն իրականացնելու հարցում Մոսկվայի ու Անկարայի միջև համաձայնություն էր ձեռք բերվել Թուրքիայի նախագահ Ռեջեփ Թայիփ Էրդողանի` մարտի 5-ին Մոսկվա կատարած այցի ընթացքում:
Թուրքիայի և Ռուսաստանի ղեկավարներն Իդլիբում հրադադար հաստատելուց բացի պայմանավորվել էին, որ թուրքական և ռուսական զինվորական ստորաբաժանումները մարտի 15-ից պարեկություն կիրականացնեն M4 մայրուղու Տրումբա (Սարաքիբ շրջանից 2կմ արևմուտք) - Այն ալ-Հավր հատվածում։
Այս ենթաբաժնի վերջին նորությունները
«Էգեյան ծովի 23 կղզի միջազգային պայմանագրերով ունեն ապառազմականացված կարգավիճակ: Դրանց տարածքում ռազմական գործունեությունն արգելված է»։
Տասնյակը եզրափակում է Հունաստանը՝ 63.232 զրահապատ մեքենայով։
Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |