Թուրքիայի մեջլիսի քուրդ պատգամավոր․ «Աքշեները նախագահական ընտրություններում կարող է հաղթել մի պայմանով»

Քաղաքական13:09, 08 Սեպտեմբեր 2020

Թուրքիայի մեջլիսի քուրդ պատգամավոր․ «Աքշեները նախագահական ընտրություններում կարող է հաղթել մի պայմանով»

Թուրքիայում ընդդիմադիր ուժ համարվող, քրդամետ «Ժողովուրդների դեմոկրատական» կուսակցությունից (ԺԴԿ-HDP) ընտրված պատգամավոր Հասիփ Քափլանը Twitter-ում գրել է, որ «Լավ» (İYİ) կուսակցության նախագահ Մերալ Աքշեները կարող է դառնալ Թուրքիայի նախագահի թեկնածու։

Պատգամավորը նշել է, որ Թուրքիայի նախագահական ընտրություններին Աքշեները կարող է դառնալ «Ազգ» (Millet-Միլլեթ) դաշինքի թեկնածուն։ Ըստ նրա՝ Աքշեները նախագահական ընտրություններում կարող է հաղթել մի պայմանով՝ եթե փոխնախագահը լինի ազգությամբ քուրդ։

Նշենք, որ պատգամավորի այս խոսքերը կապված են Մերալ Աքշեների՝ վերջերս հեռուստատեսության եթերում հնչեցրած այն մտքի հետ, թե Թուրքիայում «Լավ» կուսակցությունը հիմնադրել են, որպեսզի վերացնեն քաղաքացիների միջև բախումներ հրահրող մտածելակերպը։

Այս մտքին անդրադարձել էր նաև HDP-ի նախկին համանախագահ Սելահաթթին Դեմիրթաշը, որն այժմ գտնվում է բանտում։ Դեմիրթաշը ասել է․ «Եթե ազատության մեջ լինեի, մի առավոտ Բաշաքի (իր կինն է) հետ միասին կթակեի Մերալ Աքշեների դուռը և կասեի՝ եկել ենք նախաճաշի։

Աղբյուր` haber7.com