Թուրքիայում իշխող կուսակցության խոսնակը խոսել է հայ-ադրբեջանական ռազմագործողություններից

Քաղաքական12:29, 27 Սեպտեմբեր 2020

Թուրքիայում իշխող կուսակցության խոսնակը խոսել է հայ-ադրբեջանական ռազմագործողություններից

Թուրքիայում իշխող «Արդարություն և զարգացում» կուսակցության (AKP-ԱԶԿ) խոսնակ Օմեր Չելիքն Twitter-ի էջում անդրադարձել է արցախա-ադրբեջանական շփման գծի երկայքնով ծավալվող ռազմական գործողություններին։ Նա կրկնել է Թուրքիայի նախագահի մամուլի խոսնակի՝ ավելի վաղ արված գրառման բովանդակությունը։

Չելիքը շեշտել է, որ Թուրքիան նախկինի պես շարունակելու է լինել Ադրբեջանի կողքին, իսկ Հայաստանին մեղադրել «կրակի հետ խաղալու և տարածաշրջանի խաղաղությանը սպառնալու մեջ»։

Չելիքը միջազգային հանրությանը կոչ է արել հանդես գալ Հայաստանին ուղղված դատապարտող հայտարարություններով։

Հիշեցնենք, որ սեպտեմբերի 27-ի վաղ առավոտյան՝ 07։10-ի սահմաններում ադրբեջանական զորքերը հարձակման են անցել արցախա-ադրբեջանական շփման գծի ամբողջ երկայնքով։ Արցախի ուղղությամբ սկսվել է օդային և հրթիռային հարձակում։ Թշնամին հետ է մղվել՝ կրելով կենդանի ուժի և զինտեխնիկայի կորուստներ: Մարտերը շարունակվում են։