Թուրքիան երկխոսության կոչ է անում Հունաստանին

Քաղաքական13:18, 07 Դեկտեմբեր 2020

Թուրքիան երկխոսության կոչ է անում Հունաստանին

Թուրքիայի արտգործնախարարության մամուլի խոսնակ Համի Աքսոյն անդրադարձել է ԵՄ գագաթնաժողովից առաջ Թուրքիայի՝ Էգեյան և Միջերկրական ծովերում ռազմական ներկայության աճի վերաբերյալ հունական մամուլում տեղ գտած հայտարարություններին:

Աքսոյը նշել է, որ Հունաստանը Թուրքիայի հետ երկկողմ հարցերը կարող է լուծել ոչ թե ուրիշներից օգնություն սպասելով, այլ միայն Թուրքիայի հետ բանակցային սեղան նստելով, համագործակցելով և երկխոսելով:

Նա հերքել է հունական մամուլի՝ Էգեյան և Միջերկրական ծովերում Թուրքիայի ռազմական ակտիվության մասին տեղեկությունները` պնդելով հակառակը, որ Հունաստանն է տարածաշրջանում շարունակում լարվածությունը սրող և սադրիչ ռազմական գործունեությունը:

Խոսնակը որպես փաստարկ ներկայացրել է հունական կողմի՝ հոկտեմբերի 20-ից սկսած հրապարակած Navtex-ի (նավիգացիոն տելեքս) 11 ծանուցագրերը և 12 NOTAM-ը (Notice to Airme – AIP ավիանավիգացիոն տեղեկատվության հավաքածուի փոփոխության մասին ծանուցում):

Հիշեցնենք, որ Navtex-ը միջազգային զգուշացում է որևէ ջրային տարածքում գործողություններ իրականացնելու մասին։

Աղբյուր` aa.com.tr