Սոցհարցում. Էրդողանի կուսակցության վարկանիշն ամենաբարձրն է

Քաղաքական13:56, 02 Մարտ 2021

Սոցհարցում. Էրդողանի կուսակցության վարկանիշն ամենաբարձրն է

Թուրքական «Avrasya Araştırma» սոցիոլոգիական ընկերությունը հրապարակել է փետրվար ամսվա համար կատարած կուսակցությունների վարկանիշների ուսումնասիրության արդյունքները:

Դրա շրջանակներում կատարված հարցման մասնակիցների 34.8%-ը պատրաստակամություն է հայտնել առաջիկայում ընտրություն լինելու դեպքում իր ձայնը տալ Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցությանը (AKP-ԱԶԿ):

2-րդ տեղում գլխավոր ընդդիմադիր ուժ համարվող քեմալական «Ժողովրդահանրապետական» կուսակցությունն է (CHP-ԺՀԿ)՝ 26.2%:

Խորհրդարանական 2 ազգայնական կուսակցություններից մեկը՝ «Լավ» կուսակցությունը (IK-ԼԿ), ստացել է հարցվածներից 13.1%-ի հավանությունը, «Ազգայնական շարժում» կուսակցությունը (MHP-ԱՇԿ)՝ 7%:

Քրդամետ «Ժողովուրդների դեմոկրատական» կուսակցությունը (HDp-ԺԴԿ) ստացել է հարցվածների 9.1%-ի աջակցությունը:

Խորհրդարանում ԱԶԿ-ու ԱՇԿ-ի կազմած «Ժողովուրդ» դաշինքը ստացել է հարցվածների 41.8%-ի, իսկ ԺՀԿ-ի ու ԼԿ-ի կազմած «Ազգ» դաշինքը՝ 40%-ի ձայները: