Իսրայելի էներգետիկայի նախարար. «Մենք պատրաստ ենք Թուրքիայի հետ համագործակցել»

Քաղաքական14:17, 10 Մարտ 2021

Իսրայելի էներգետիկայի նախարար. «Մենք պատրաստ ենք Թուրքիայի հետ համագործակցել»

Իսրայելի էներգետիկայի նախարար Յուվալ Շտայնիցը հայտարարել է, որ Թուրքիայի հետ համագործակցելու հարցում իր երկիրը պատրաստակամ է:

«Մենք ցանկանում ենք Թուրքիայի մեջ տեսնել ոչ թե բախումների աղբյուր, այլ տարածաշրջանային գործընկեր»,- ասել է Շտայնիցը Կիպրոս կատարած այցի ընթացքում լրագրողների հետ հանդիպման ժամանակ:

Խոսելով «Eastmed» գազատարի մասին, որը պիտի կիպրական ու իսրայելական գազը Միջերկրական ծովի արևելյան հատվածից ծովի տակով հասցնի Հունաստան ու Իտալիա՝ Շտայնիցը ասել է, որ հայտնաբերած պաշարները կբավականացնեն «Eastmed»-ի նման 2-3 խողովակաշարի:

Շտայնիցը նաև նշել է, որ նախկինում բանակցություններ եղել են իսրայելական գազը Թուրքիա արտահանելու շուրջ, սակայն դրանք անարդյունք են ավարտվել:

«Հուսով եմ, որ Թուրքիան մի օր կինտեգրվի տարածաշրջանին և անգամ կդառնա Արևելյան միջերկրածովյան գազի ֆորումի անդամ: Մենք պատրաստ ենք Թուրքիայի հետ համագործակցել»։

Աղբյուր` Ermenihaber.am