Ռազմական14:11, 17 Մարտ 2021
Ռուսաստանի պաշտպանության նախարարը խոսել է ռուս-թուրքական հարաբերություններից
Ռուսաստանի պաշտպանության նախարար Սերգեյ Շոյգուն ղազախական «Tengrinews» գործակալությանը տված հարցազրույցում անդրադարձել է ռուս-թուրքական հարաբերությունների թեմային:
Նա նշել է, որ Ռուսաստանի և Թուրքիայի միջև հարաբերություններ կառուցելը շատ դժվար է, բայց միևնույն ժամանակ՝ արդյունավետ:
«Եթե մենք խոսում ենք Թուրքիայի հետ հարաբերությունների մասին, ապա մենք կատարում ենք ոչ սովորական՝ շատ բարդ, բայց շատ արդյունավետ աշխատանք, համատեղ աշխատանք: Իսկ բարդ լինելու պատճառը այն է, քանի որ խանգարում է նաև այն փաստը, որ Թուրքիան ՆԱՏՕ-ի անդամ է: Իհարկե, դա խանգարում է, բայց ինքնին սա, ես կասեի, նույնիսկ եզակի փորձ է, երբ մի երկիր ՆԱՏՕ-ում է, մեկ այլ երկիր ՆԱՏՕ-ի անդամ չէ», - ասել է նա:
Նրա խոսքով՝ Ռուսաստանն ու Թուրքիան կարողանում են փոխհամաձայնության հասնել անգամ այն հարցում, որոնք անհնար են թվում, օրինակ՝ Իդլիբի գոտու ապառազմականացման հարցը:
«Ընդհանրապես, ժամանակին Սիրիայում ապառազմականացված գոտիների ստեղծումը մեր կարծիքով նոր էջ է և նոր մեխանիզմ նման հակամարտությունների լուծման համար»։
Սերգեյ Շոյգուն խոսել է նաև ռուս-թուրքական համագործակցության մասին Լեռնային Ղարաբաղում:
«Սա շատ բարդ օպերացիա է: Ես այդպես կուզեի անվանել այն և ոչ այլ կերպ: Քանի որ դրանում գործի են դրվել վիթխարի քանակությամբ փաստարկներ, տարրեր, դրդապատճառներ»,- նշել է Ռուսաստանի պաշտպանության նախարարը:
Այս ենթաբաժնի վերջին նորությունները
«Էգեյան ծովի 23 կղզի միջազգային պայմանագրերով ունեն ապառազմականացված կարգավիճակ: Դրանց տարածքում ռազմական գործունեությունն արգելված է»։
Տասնյակը եզրափակում է Հունաստանը՝ 63.232 զրահապատ մեքենայով։
Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |