Թուրքիայում որ կուսակցությունը ինչքան անդամ ունի

Քաղաքական14:05, 05 Ապրիլ 2021

Թուրքիայում որ կուսակցությունը ինչքան անդամ ունի

Թուրքական «Duvar» լրատվակայքն անդրադարձել է խորհրդարանում ներկայացված ու չներկայացված կուսակցություններին՝ ցույց տալով, թե դրանցից որն ինչքան անդամ ունի:

Ըստ այդմ՝ ներկայում Թուրքիայի ամենախոշոր կուսակցությունը նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցությունն (AKP-ԱԶԿ) է, որն ունի ավելի քան 10 մլն անդամ:

Խորհրդարանում դաշինքի կազմում ներկայացուցիչ ունեցող, սակայն առանձին խմբակցության համար բավարար մանդատատներ չունեցող կուսակցություններից ամենամեծը «Ժողովրդավար» կուսակցությունն է:

Քեմալականների «Ժողովրդահանրապետական» ու ազգայնականների «Լավ» կուսակցությունների կազմած «Ազգ» դաշինքով խորհրդարան անցած և 2 մանդատ ունեցող «Ժողովրդավար» կուսակցությունն ունի ավելի քան 410 հազար անդամ: Իսկ 10 հազարից ավել անդամ ունեցող կուսակցությունների անդամների քանակական պատկերը Թուրքիայում այսպիսինն է.

«Արդարություն և զարգացում» կուսակցություն (իշխող) - 10 մլն 984.312

«Ժողովրդահանրապետական» կուսակցություն (քեմալական, ընդդիմադիր) - 1 մլն 257.110

«Ազգայնական շարժում» կուսակցություն (ԱԶԿ-ի խորհրդարանական դաշնակից) - 479.197

«Ժողովրդավար» կուսակցություն - 410.898

«Լավ» կուսակցություն (ազգայնական) - 368.344

«Երջանկություն» կուսակցություն - 211.823

«Կրկին բարօրություն» կուսակցություն - 120.735

«Պահպանողական առաջընթաց» կուսակցություն - 71.324

«Ժողովուրդների դեմոկրատական» կուսակցություն (քրդամետ) - 40.528

«Երիտասարդ» կուսակցություն - 35.515

«Մեծ միություն» կուսակցություն (ուլտրա ազգայնական) - 34.263

«Ժողովրդավարական ձախական» կուսակցություն-31.515