Կահիրեում ընթացել են Թուրքիա-Եգիպտոս բանակցությունները

Տարածաշրջան10:53, 10 Մայիս 2021

Կահիրեում ընթացել են Թուրքիա-Եգիպտոս բանակցությունները

Թուրքիայի և Եգիպտոսի միջև երկար ընդհատումից հետո վերսկսվել են բարձր մակարդակի հանդիպումները, որոնց առանցքում տարածքային անվտանգությանն առնչվող խնդիրներն են։

Կահիրեում Թուրքիայի և Եգիպտոսի միջև ընթացող խորհրդատվական բանակցությունների ընթացքում օրակարգում եղել են նաև Լիբիային, Սիրիային և Արևելյան Միջերկրականին առնչվող հարցեր։ Բանակցությունները տեղի են ունեցել արտաքին գործերի փոխնախարարների մակարդակով։

Թուրքիայի արտաքին գործերի նախարարության տարածած հաղորդագրության համաձայն՝ բանակցություններն ընթացել են անկեղծ մթնոլորտում և ընդգրկուն բովանդակություն են ունեցել։

Ըստ «Reuters» գործակալության փոխանցած տեղեկությունների՝ պաշտոնական Անկարան պատրաստակամություն է հայտնել նաև Լիբիայի մասնակցությամբ եռակողմ հանդիպում կազմակերպելու առնչությամբ։

Բանակցությունների ընթացքում Թուրքիան ևս մեկ անգամ հայտարարել է, որ չի պատրաստվում Եգիպտոսին արտահանձնել «Մուսուլման եղբայրների» առաջնորդին։