Քաղաքական17:47, 04 Հունիս 2021
Թուրքիան շարունակում է մնալ ԵՄ-ի համար ռիսկային երկրների ցանկում
Եվրամիությունը կրկին Թուրքիային չի ներառել այն երկրների ցանկում, որոնց համար առաջիկայում հանվելու են կորոնավիրուսով պայմանավորված ուղևորության սահմանափակումները։
ԵՄ-ից դեպի մի շարք երկրներ ուղևորությունները այսուհետ կիրականացվեն առանց սահմանափակումների։ Արտոնյալ երկրների ցանկում այս անգամ տեղ են գտել Ճապոնիան, Իսրայելը, Նոր Զելանդիան, Ռուանդան, Ավստրալիան, Սինգապուրը, Հարավային Կորեան և Թայլանդը։ Իսկ Թուքրիան նախկինի պես կշարունակի մնալ ռիսկային երկրների ցանկում։
ԵՄ-ն իր քաղաքացիներին խորհուրդ է տալիս «նարնջագույն» երկրների ցանկում ներառված Թուրքիա մեկնել միայն ծայրահեղ անհրաժեշտության դեպքում։ Նույն կերպ Թուրքիայից Եվրոպա կարող են մեկնել միայն եվրոպական երկրների քաղաքացիություն կամ բնակության իրավունք ունեցող անձինք։ Բացառություն է արվում միայն ծայրահեղ կարևոր ու անհետաձգելի ուղևորությունների համար։
Մյուս կողմից ԵՄ-ն պատրաստվում է Թուրքիայի քաղաքացիների համար շրջանառության մեջ դնել «Քովիդի ճամփորդության սերտիֆիկատը», որով կհեշտացվեն ուղևորությունները դեպի Եվրոպա։ Առողջապահության համաշխարհային կազմակերպության կողմից հաստատված պատվաստանյութերով երկու անգամ պատվաստված, վերջին 6 ամսում քովիդով վարակված կամ վերջին 48 ժամվա ընթացքում հանձնված թեստի բացասական արդյունքներ ունեցող քաղաքացիները կկարողանան անարգել մեկնել Եվրոպա՝ անկախ Թուրքիայում կորոնավիրուսի ընդհանուր վիճակից։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |