Թուրքիայի իշխող ԱԶԿ կուսակցության վարկանիշը ընտրողների շրջանում նվազել է

Քաղաքական15:18, 31 Օգոստոս 2021

Թուրքիայի իշխող ԱԶԿ կուսակցության վարկանիշը ընտրողների շրջանում նվազել է

Թուրքիայի «Եվրասիական հետազոտությունների կենտրոնի» նախագահ Քեմալ Օզքիրազը հրապարակել է ենթադրյալ ընտրությունների վերաբերյալ անցկացված հարցումների արդյունքները։

Ըստ այդմ՝ իշխող «Արդարություն և զարգացում» կուսակցութան (ԱԶԿ-AKP) վարկանիշն ընտրողների շրջանում աննախադեպ անկում է ապրել։ Ընտրողների շրջանում ԱԶԿ-ին աջակցություն հայտնողների թիվը չի հասել անգամ երեսուն տոկոսի։ Իսկ կուսակցության և երկրի նախագահ Ռեջեփ Թայիփ Էրդողանը վարկանիշով զիջել է բոլոր մրցակիցներին։

Հարցումներին մասնակցածների 58․7 տոկոսը համաձայնել է այն մտքի հետ, որ երկրում պետք է արտահերթ ընտրություններ անցկացվեն։ 30.8 տոկոսը դեմ է արտահայտվել արտահերթ ընտրություններին։

Մասնակիցների 34․2 տոկոսը ցանկություն է հայտնել, որ նոր ընտրություններում երկրի նախագահ ընտրվի Ռեջեփ Թայիփ Էրդողանը, իսկ 54․9 տոկոսը դեմ է եղել Էրդողանի թեկնածությանը։

Հարցվածների 29 տոկոսը աջակցություն է հայտնել իշխող ԱԶԿ-ին, 27․2 տոկոսը՝ ընդդիմադիր «Ժողովրդահանրապետական» կուսակցությանը (CHP-ԺՀԿ), 13․8 տոկոսը՝ «İyi» կուսակցությանը, 9․8 տոկոսը՝ ընդդիմադիր քրդամետ «Ժողովուրդների դեմոկրատական» կուսակցությանը (ԺԴԿ-HDP), իսկ 7․3 տոկոսը՝ «Ազգայնական շարժում» կուսակցությանը (ԱՇԿ-MHP)։

Աղբյուր` cumhuriyet.com.tr