Գերմանիայի արգելանքի պատճառով Թուրքիան սկսել է արտադրել էլեկտրական շարժիչով հաուբիցներ

Ռազմական16:59, 06 Սեպտեմբեր 2021

Գերմանիայի արգելանքի պատճառով Թուրքիան սկսել է արտադրել էլեկտրական շարժիչով հաուբիցներ

Թուրքական մամուլում հրապարակված տեղեկությունների համաձայն՝ տեղական արտադրության «Fırtına» տիպի ինքնագնաց հաուբիցների շարժիչները մեքենաշինական և քիմիական արդյունաբերության «Ar-Ge» հետազոտական աշխատանքների շրջանակներում փոխարինվել են էլեկտրական շարժիչներով:

Թուրքիան նման քայլի է դիմել Գերմանիայի կողմից կայացված արգելանք (էմբարգո) կիրառելու մասին որոշումից հետո, որի արդյունքում գերմանական կողմը հրաժարվել է Թուրքիային վաճառել «Fırtına» տիպի ինքնագնաց հաուբիցների շարժիչները:

Գերմանիան իր այդ որոշումը կայացրել էր ղարաբաղյան պատերազմով պայմանավորված, որի ընթացքում Թուրքիան գործուն աջակութուն էր ցուցաբերել Ադրբեջանին:

Թուրքիայում արտադրվող «Fırtına» տիպի ինքնագնաց հաուբիցները այսուհետև կշահագործվեն էլեկտրական շարժիչներով: Թուրքական կողմը պնդում է, թե այսպիսով կարողացել է վերացնել արտաքին կախվածությունը հաուբիցների արտադրության մեջ:

Աղբյուր` Milliyet.com.tr