Թուրքիայում ֆինանսատնտեսական ճգնաժամը սրել է իշխանություն-ընդդիմություն բանավեճը

Քաղաքական16:23, 24 Նոյեմբեր 2021

Թուրքիայում ֆինանսատնտեսական ճգնաժամը սրել է իշխանություն-ընդդիմություն բանավեճը

Թուրքական լիրայի աննախադեպ արժեզրկումն ամերիկյան դոլարի նկատմամբ Թուրքիայի ներքաղաքական կյանքում լարվածության մեծացման պատճառ է դարձել։

Ֆինանսատնտեսական խորացող ճգնաժամի պայմաններում ընդդիմությունն սկսել է ավելի ակտիվ քննադատել իշխող «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանի վարչակազմին տնտեսական սխալ քաղաքականություն վարելու համար։ Ընդդիմությունը միաժամանակ սկսել է նորից հանդես գալ արտահերթ ընտրություններ անելու կոչերով։ Իշխանությունը, իր հերթին, պատասխանելով ընդդիմությանը, շարունակում է հայտարարել, որ արտահերթ չի լինելու և ընտրություններն անցկացվելու են 2023 թվականի հունիսին։

Ներքաղաքական լարվածության այս պայմաններում թուրքական մամուլում աղմուկ է բարձրացրել Twitter-ում Թուրքիայի նախագահի գլխավոր խորհրդական Օքթայ Սարալի կատարած գրառումը, որտեղ նա պատվազուրկ կամ, որ նույնն է, անբարոյական է որակել ընդդիմությանը։

«Ընդդիմությու՛ն, բոլորդ գնացե՛ք գրողի ծոցը․․․ Դուք ոչ թե կառավարության, այլ երկրի դեմ եք գնում, ամո՛թ ձեզ։ Դու՞ք եք ձգտում կառավարել երկիրը։ Մի կողմ քաշվե՛ք, պատվազուրկնե՛ր»,-նշել է Թայիփ Էրդողանի խորհրդականը։

Bilumum muhalefet;Hepinizin canı cehenneme..!Siz asla ve kat'a bu ülkeye ait değilsiniz ve olamazsınız.Bu kadar mı ülkesinin bekasına kastedilir..!Siz hükümete değil ülkeye muhalefet ediyorsunuz,yazıklar olsun..!Siz mi ülkeyi yönetmeyi talipsiniz...Hadiyin ordan müptezeller..!
— Oktay SARAL (@oktay_saral) November 23, 2021