Թուրքիայում քննարկվող օրենքի նախագիծը խառնաշփոթ է առաջացրել ողջ առողջապահական համակարգում

Տնտեսական13:46, 13 Դեկտեմբեր 2021

Թուրքիայում քննարկվող օրենքի նախագիծը խառնաշփոթ է առաջացրել ողջ առողջապահական համակարգում

Թուրքիայի առաողջապահության ոլորտում խառնաշփոթ է առաջացրել պրակտիկ բժիշկների աշխատավարձերը բարձրացնելու վերաբերյալ մեջլիս բերված, ապա հետ ուղարկված օրինագիծը: Դրանով նախատեսվում էր աշխատավարձերի բարձրացում թերապևտների համար 2500 լիրա (172 դոլար), նեղ մասնագետների ու ատամնաբույժերի համար էլ 5000 ական լիրա (344դոլար):

Նախագիծն առաջացրել էր առողջապահության համակարգի մի շարք աշխատակիցների (բուժքույրեր, մանկաբարձներ և այլն) դժգոհությունը, քանի որ նրանք չէին ներառվում այս փոփոխության մեջ:

Դժգոհություններից հետո մեջլիսում քննարկվող փաթեթից հանվեց այս օրինագիծը և հետ ուղարկվեց առողջապահության հանձնաժողով՝ նորից քննարկելու: Դա առաջացրել է այն բժիշկների զայրույթը, որոնց դրա շահառուն էին լինելու: Այդ բժիշկներին միավորող 2 արհմիություններ արդեն հայտարարություն են տարածել եռօրյա ու գործադուլի մասին: Դրանք տեղի են ունենալու դեկտեմբերի 13-ից մինչև 16-ը ներառյալ:

Աղբյուր` https://www.rudaw.net/