Քաղաքական13:49, 22 Դեկտեմբեր 2021
Քըլըչդարօղլուն՝ Էրդողանին․ «Թուրքական լիրայի համբավը պաշտպանելը նույնն է, ինչ պաշտպանել Կարսը»
Թուրքական ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուն հերթական սուր քննադատությունն է ուղղել Թուրքիայի նախագահ, «Արդարություն և զարգացում» կուսակցության (ԱԶԿ) առաջնորդ Ռեջեփ Թայիփ Էրդողանին։ Պատճառը երկրում տիրող տնտեսական իրավիճակն է։ Նա նշել է, որ թուրքական լիրայի համբավը պաշտպանելը նույնն է, ինչ պաշտպանել Կարսը և Էդիրնեն։
Քըլըչդարօղլուն քննադատել է Թայիփ Էրդողանի վերջին հայտարարությունը Թուրքիայի դրամական միավորի արժեզրկմամբ մտահոգ քաղաքացիներին ֆինանսական նոր այլընտրանք տրամդրելու մասին։
«Գանձարանում գոյություն չունեցող գումարով երաշխիք են տալիս։ Նախօրեին նրանց արածը սա էր․․․ Սա Թուրքիայի ողբերգությունն է։ Էրդողանը միգուցե լավ չէ, սակայն, եթե հակառակ դրան՝ նրան դեռ աջակցողներ կան, պետք է նստեն և մտածեն»,- նշել է ընդդիմադիր կուսակցապետը՝ ընդգծելով, որ իրականում իշխանությունը կիրառել է թաքնված տոկոսադրույքի ամենավատ տարբերակը։
Հիշեցնենք, որ դեկտեմբերի 20-ին Թայիփ Էրդողանը կառավարության նիստից հետո թուրքական լիրայի փոխարժեքի տատանումները կանխելու համար հայտարարել էր 8 կետից բաղկացած տնտեսական նոր միջոցառումների մասին։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |