Կրեմլում լիովին արդարացի են համարում Քադիրովի արձագանքը թուրքական իշխանությունների որոշմանը

Քաղաքական17:00, 22 Դեկտեմբեր 2021

Կրեմլում լիովին արդարացի են համարում Քադիրովի արձագանքը թուրքական իշխանությունների որոշմանը

Ռուսաստանը դիվանագիտական խողովակներով իրազեկել է Թուրքիային, որ հավանություն չի տալիս թուրքական քաղաքներից մեկում գտնվող այգին Դուդաևի պատվին անվանակոչելու փաստը: Այս մասին հայտնել է ՌԴ նախագահի մամուլի խոսնակ Դմիտրի Պեսկովը:

Ավելի վաղ տեղի ունեցածին արձագանքել էր Չեչնիայի ղեկավար Ռազման Քադիրովը` կոշտ քննադատելով թուրքական իշխանությունների այդ քայլը:

Պեսկովի կարծիքով՝ Չեչնիայի ղեկավար Ռամզան Քադիրովի արձագանքն էմոցիոնալ էր, սակայն լիովին բացատրելի:

«Դա Քադիրովի բավականին զգացմունքային, սակայն միանգամայն բացատրելի արձագանք է, քանի որ այդ շրջանը մի քանի պատերազմներ է վերապրել, որոնք սադրել էին ահաբեկիչները: Նրանք փորձում էին վերահսկողության սահմանել ՌԴ-ի այդ տարածածքի նկատմամբ»,- ասել է Պեսկովը:

Կրեմլի ներկայացուցիչը հիշեցրել է, որ նման ահաբեկիչներից էր Ջոխար Դուդաև:

Հիշեցնենք, որ ավելի վաղ Չեչնիայի ղեկավարն այգու անվանակոչության մեջ սպառնալիք էր տեսել` ուղղված Ռուսաստանի հետ հարաբերություններին, և առաջարկել ի պատասխան Գրոզնիում մի զբոսայգի անվանակոչել «Քուրդիստանի բանվորական կուսակցության» (ՔԲԿ-PKK) հիմնադիր Աբդուլլահ Օջալանի պատվին։