Քաղաքական17:44, 22 Դեկտեմբեր 2021
Թուրքիայի նախկին փոխվարչապետը՝ Էրդողանին. «Ձեր բռնած ճամփան ճամփա չէ»
Թուրքիայի նախկին արտգործնախարար ու փոխվարչապետ Ալի Բաբաջանն անդրադարձել է նախագահ Ռեջեփ Էրդողանի նոր տնտեսական քաղաքականությանն ու տարադրամի տատանումները զսպելու քայլերին:
Ըստ Բաբաջանի՝ Էրդողանն ու իր գործընկերները հասկանում են, որ իրենց ճանապարհի վերջում են ու գործում են «մեզնից հետո թեկուզ ջրհեղեղ» սկզբունքով:
«Պարոն Էրդողանին եմ դիմում՝ նրան զգուշացնելը պարտականությոն համարելով: Ձեր բռնած այս ճամփան ճամփա չէ»,- ասել է Բաբաջանը:
Վերջինս անդրադառնալով թուրքական արժույթով ավանդներ ունեցողներին տարադրամի փոխարժեքի տարբերությունը վճարելու մասին Էրդողանի խոստումներին՝ հարց է հղել, թե բյուջեից վճարվելիք այդ գումարներով քանի գործազուրկի կարելի էր գործի տեր դարձնել:
Ըստ ընդդիմադիր գործչի՝ այս քայլով լիրայով ավանդները կապվել են դոլարի հետ, այնինչ իշխանությունները հաճախակի ասում են, որ պետք չի դոլարի կողմը նայել (ուշադրություն դարձնել դոլարի փոխարժեքին):
Բաբաջանը նաև քննադատել է Թուրքիայի նախագահին՝ կենտրոնական բանկի վերաֆինանսավորման տոկոսադրույքը նվազեցնելու քաղաքականության համար կրոնական դոգմաները որպես հիմնավորւմ ներկայացնելու համար:
«Մենք մեր կրոնի սրբություններն առoրյա քաղաքականության նյութ չենք դարձնելու: Էրդողանը մեր կրոնի սրբություններն ամեն օր քաղաքականության նյութ է դարձնում: Երկիրը խորտակվում է, սրանք մեր ժողովրդի մաքրամաքուր կրոնն ու ազգային զգացմունքները շահարկման առարկա են դարձնում»,- ասել Բաբաջանը:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |