Ստամբուլում փողոցային երաժիշտներին արգելել են քրդերեն երգել (տեսանյութ)

Քաղաքական17:51, 31 Հունվար 2022

Ստամբուլում փողոցային երաժիշտներին արգելել են քրդերեն երգել (տեսանյութ)

Ստամբուլի «Իսթիքլալ» պողոտայում ոստիկանության ծառայողը արգելել է փողոցային երաժիշտներին քրդերեն երգ երգել: Այս մասին բարձրաձայնել է քրդամետ «Ժողովուրդների դեմոկրատական» կուսակցության Ստամբուլի նահանգային գրասենյակի ղեկավար Ֆերհաթ Օնջուն՝ տեղադրելով նաև փաստը հաստատող տեսանյութ։

Վերջինս սոցցանցում արած հրապարակման մեջ տեղեկացրել է, որ իրեն զանգահարել է երգիչներից մեկը և տեղեկացրել, որ քրդերեն երգ երգելու պատճառով ոստիկանական բռնության են ենթարկվել ու վիրավորանքների արժանացել: Օնջուի տեղեկացմամբ՝ զանգահարող անձին ու մյուս ընկերներին տեղափոխել են ոստիկանության բաժանմունք:

Ըստ ԺԴԿ-ական գործչի՝ անհանդուրժողականության այս դրսևորումը բխում է քրդերենի նկատմամբ պետության թշնամական վերաբերմունքից: Օնջուն, որպես նշյալի ապացույց, ներկայացրել է այն փաստը, որ այդ պողոտայում փողոցային երաժիշտների կողմից տարբեր այլ լեզուներով կատարվող երգերը չեն արգելվում:

Maalesef bu günde İstiklal caddesinde Kürtçe sokak müziğini yapan gençler engellenmiş. Polisler kanun kesici olmuş! Hangi dilden müzik yapılacağı onlar karar veriyorlar. https://t.co/zJSPQ4CVad pic.twitter.com/9PWLiim1mV
— Ferhat Encu (@FerhatEncu) January 30, 2022