Թուրքական մամուլ. Թուրքիայի կառավարության կազմում սպասվում են փոփոխություններ

Քաղաքական11:59, 11 Փետրվար 2022

Թուրքական մամուլ. Թուրքիայի կառավարության կազմում սպասվում են փոփոխություններ

Թուրքիայի կառավարության կազմում առաջիկայում կարող են տեղի ունենալ մի շարք փոփոխություններ: Այդ մասին խոսվում է թուրքական մամուլում, ինչպես նաև համացանցի թուրքական տիրույթում:

Նման խոսակցություններ շրջանառվեցին Թուրքիայի արդարադատության նախարար Աբդուլհամիթ Գյուլի հրաժարականից հետո:

Բացի այդ, Թուրքիայի նախագահ Ռեջեփ Թայիփ Էրդողանը մի քանի օր առաջ չէր բացառել որոշ փոփոխություններ կառավարությունում՝ ընդգծելով, որ ամեն ինչ կախված է ծառացած նոր խնդիրներից, որոնց հետ բախվում է Թուրքիան:

Ուշագրավ է, որ համացանցի թուրքական տիրույթում նույնպես խոսվում է այդ մասին: Օրինակ թուրք լրագրող Թոլգա Ըշըքը, անդրադառնալով այդ թեմային, Twitter-ի էջում գրել էր, որ շուտով 1-3 նախարար փոխվելու են:

Հիշեցնենք, որ Թուրքիայի արդարադատության նախարարի պաշտոնում նշանակվել էր Բեքիր Բոզդաղը, ով ավելի լավ մի քանի պաշտոններ էր զբաղեցրել տարբեր գերատեսչություններում:

Աղբյուր` Ermenihaber.am