Էրդողանի կուսակցության խոսնակն անդրադարձել է Գերմանիայի կանցլերի՝ Թուրքիա կատարած այցին

Քաղաքական13:46, 16 Մարտ 2022

Էրդողանի կուսակցության խոսնակն անդրադարձել է Գերմանիայի կանցլերի՝ Թուրքիա կատարած այցին

Թուրքիայում իշխող «Արդարություն և զարգացում» (AKP-ԱԶԿ) կուսակցության մամուլի խոսնակ Օմեր Չելիքը կարևորել է օրերս Գերմանիայի կանցլեր Օլաֆ Շոլցի՝ Անկարա իրականացրած այցը դիվանագիտության ամրապնդման և խաղաղության սեղանի կայացմանը նպաստելու տեսանկյունից։

Twitter-ի իր էջում կատարած գրառմամբ Չելիքը նշել է, որ Ուկրաինայում շարունակվող պատերազմի այս ժամանակաշրջանում Թուրքիայի նախագահ Ռեջեփ Թայիփ Էրդողանի դիվանագիտական գործունեությունը Թուրքիային նոր դիրքի մեջ է դրել, որն անհամեմատելի է աշխարհի որևէ այլ երկրի հետ։

Նա գրել է, թե Եվրամիության (ԵՄ) կառույցները չեն կարողացել Թուրքիայի հետ համատեղ որևէ դիվանագիտական նախաձեռնություն մշակել և ընդգծել է․ «Այս շրջանում եվրոպական պետությունների հետ մեր նախագահի դիվանագիտական շփումներն ամենամեծ ներդրումն են ունենում խնդրի լուծման գործում։ Գերմանիայի կանցլեր Օլաֆ Շոլցի՝ Թուրքիա կատարած պաշտոնական այցը կարևոր է դիվանագիտության ամրապնդման և խաղաղության սեղանի կայացմանը նպաստելու տեսանկյունից»։

Հիշեցնենք, որ Շոլցի և Էրդողանի հանդիպմանը պայմանավորվածություն է ձեռք բերվել ակտիվացնել թուրք-գերմանական դիվանագիտական կապերն Ուկրաինայում ստեղծվածը իրավիճակը կարգավորելու համար:

Աղբյուր` pusulahaber.com