Կատարի պաշտպանության նախարար. «Թուրքիայի և ԱՄՆ-ի հետ մեր ռազմավարական դաշինքն ամուր է»

Քաղաքական16:22, 28 Մարտ 2022

Կատարի պաշտպանության նախարար. «Թուրքիայի և ԱՄՆ-ի հետ մեր ռազմավարական դաշինքն ամուր է»

Կատարի պաշտպանության նախարար Խալիդ բեն Մուհամմեդ ալ Աթիյան հայտարարել է, որ իր երկրի ռազմավարական դաշինքը Թուրքիայի և ԱՄՆ-ի հետ ամուր է։

Նա ելույթ է ունեցել «Ռազմավարական դաշինքների զարգացման հեռանկարները» խորագրով պանելային քննարկմանը, որը տեղի է ունեցել Կատարի մայրաքաղաք Դոհայում կայացած ֆորումի շրջանակներում։

Ընդգծելով, որ քաղաքական կայունությունը կարևոր է տարածաշրջանի և աշխարհի բոլոր երկրների համար, Աթիյան հայտարարել է, որ իր երկիրը մեծ ջանքեր է գործադրում անվտանգության և կայունության ամրապնդման համար և որպես միջնորդ պետություն մեծ դեր է խաղում բոլոր կողմերի հաղորդակցության տեսանկյունից։

Նախարարը հայտարարել է, որ Կատարի ռազմավարական դաշինքն ԱՄՆ-ի և Թուրքիայի հետ կարելի է հաջողված համարել, քանի որ այն ամուր հիմքերի վրա է՝ պայմանավորված տարբեր գործոններով։

Անդրադառնալով Իրանի հետ միջուկային համաձայնագրին՝ Աթիյան նաև նշել է, որ կարևոր է միջուկային համաձայնության հասնելը, ու Կատարն ակնկալում է գործընթացի հաջող ավարտ։

Աղբյուր` Ermenihaber.am