Թուրքիայում հարցվածների 48.5%-ի կարծիքով Էրդողանը չի ընտրվի առաջիկա ընտրություններում

Քաղաքական15:24, 06 Հունիս 2022

Թուրքիայում հարցվածների 48.5%-ի կարծիքով Էրդողանը չի ընտրվի առաջիկա ընտրություններում

Թուրքիայում հաջորդ տարի անցկացվելիք նախագահական և խորհրդարանական ընտրություններին ընդառաջ՝ սոցիոլոգիական կազմակերպությունները շարունակում են ակտիվ հարցումներ անցկացնել բնակչության շրջանում:

Հերթական սոցհարցումն անցկացրել է թուրքական MetroPOLL կազմակերպությունը, որն այս անգամ հարցվածներից հետաքրքրվել է, թե իրենց կարծիքով արդյոք առաջիկա ընտրություններում նախագահ Ռեջեփ Էրդողանը կվերընտրվի, եթե առաջիկա կիրակի ընտրություններ լինեին:

Հարցվածների 45.8%-ի կարծիքով Էրդողանը կվերընտրվի նախագահի պաշտոնում: Վերջինիս վերընտրման չհավատացողները, սակայն, ավելի շատ են են եղել՝ 48.5%:

Բացի դրանից մի շարք այլ սոցիոլոգիական կազմակերպությունների հարցումներով էլ Էրդողանի վարկանիշը ավելի ցածր է, քան որոշ ընդդիմադիր գործիչների, ինչպես օրինակ՝ Ստամբուլի քաղաքապետ Էքրեմ Իմամօղլուի կամ Անկարայի քաղաքապետ Մանսուր Յավաշի վարկանիշը:

Հարցումների ընթացքում վերջիններս վարկանիշով բազմիցս գերազանցել են Էրդողանին, ինչը նշանակում է, որ առաջադրվելու դեպքում նրանք կարող են Էրդողանի համար շատ լուրջ մրցակիցներ լինել` հաղթանակի իրական շանսերով:

Աղբյուր` Artıgerçek