Քաղաքական15:20, 17 Հունիս 2022
Էրդողանի թիմակիցներից ովքե՞ր կարող են լինել Թուրքիայի նախագահի թեկնածուներ. նշվում է 5 անուն
Թուրքական «Gerçek Gündem» լրատվակայքի վերլուծաբան Օրհան Ուղուրօղլուն հրապարակել է հոդված, որտեղ ներկայացրել է 5 անուն, որոնք կարող են առաջադրվել Թուրքիայի նախագահի պաշտոնում, եթե տապալվի Ռեջեփ Թայիփ Էրդողանի թեկնածության առաջադրման գործընթացը:
Ուղուրօղլուն կրկնել է այն վարկածը, որ Բարձրագույն ընտրական հանձնաժողովը (ԲԸՀ) կմերժի Էրդողանի թեկնածության առաջադրման դիմումը՝ Թուրքիայի Սահմանադրության 101-րդ հոդվածի համաձայն, քանի որ վերջինս 3-րդ անգամ չի կարող առաջադրվել ու պաշտոնավարել:
Իշխող «Արդարություն և զարգացում» կուսակցության (ԱԶԿ) անդամնները բազմիցս անհիմն են համարել շրջանառվող այս պնդումները, բայց ըստ թուրք վերլուծաբանի՝ Էրդողանը ցանկանում է գործել հետևյալ սցենարով։
Պարտվածի կարգավիճակում չհայտնվելու նկատառումով իր փոխարեն առաջադրել որևէ այլ թեկնածուի, հետո ընտրված նախագահի միջոցով գնալ փոփոխությունների՝ հաստատելով ուժեղացված խորհրդարանական ռեժիմ, և փորձել կրկին դառնալ վարչապետ:
Նման սցենարի դեպքում, որպես երկրի նախագահի պաշտոնում առաջադրվելիք հնարավոր թեկնածուներ, մատնանշվում են իշխող դաշինքի անդամ «Ազգայնական շարժում» կուսակցության առաջնորդ Դևլեթ Բահչելին, ԱԶԿ փոխնախագահներ Բինալի Յըլդըրըմը և Նուման Քուրթուլմուշը, ներքին գործերի նախարար Սուլեյման Սոյլուն ու գանձապետարանի և ֆինանսների նախկին նախարար Բերաթ Ալբայրաքը։
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |