Թուրքիայի և Սաուդյան Արաբիայի համագործակցության նոր ճանապարհային քարտեզը

Տնտեսական13:43, 24 Հունիս 2022

Թուրքիայի և Սաուդյան Արաբիայի համագործակցության նոր ճանապարհային քարտեզը

Հունիսի 22-ին Սաուդյան Արաբիայի թագաժառանգ Մուհամեդ բին Սալմանը պաշտոնական այց է կատարել Անկարա։ Նրան նախ ընդունել է Թուրքիայի նախագահ Ռեջեփ Թայիփ Էրդողանը, ապա կայացել է կողմերի՝ ընդլայնված կազմով հանդիպումը։

Քննարկվել են երկկողմ հարաբերությունների բոլոր ասպեկտները։ Հիմնական օրակարգում, սակայն, եղել է տնտեսությունը։ Ընդլայնված կազմով հանդիպման ընթացքում մի շարք պայմանավորվածություններ են ձեռք բերվել, որոնք կարելի է ներկայացնել հետևյալ կերպ․

1․ Թուրքիայի և Սաուդյան Արաբիայի միջև առևտրաշրջանառությունը հասցվելու է 10 միլիարդ դոլարի։

2․ Կնքվելու է նոր սվոփ պայմանագիր։

3․ Վերացվելու է թուրքական ապրանքների դեմ Սաուդյան Արաբիայի կողմից պաշտոնապես չհայտարարված, բայց գործնականում կիրառվող էմբարգոն։

4․ Դյուրացվելու է Սաուդյան Արաբիայում թուրք գործարարների բիզնեսների հետ կապված գործըթնացները։

5․ Լուծվելու են վիզային և մաքսային խնդիրները, որոնց բախվում են Թուրքիայի քաղաքացիները։

6․ Դյուրացվելու ներդրումների ընթացակարգը սաուդցի ներդրողների համար։

Աղբյուր` Ensonhaber.com