Էրդողան․ «Մենք դեռ ունենք Էներգետիկ լուրջ կախվածություն արտաքին աշխարհից»

18:16, 16 Դեկտեմբեր 2022

Էրդողան․ «Մենք դեռ ունենք Էներգետիկ լուրջ կախվածություն արտաքին աշխարհից»

Թուրքիայի նախագահ Ռեջեփ Թայիփ Էրդողանը ելույթ է ունեցել Սիլիվրիում կայացած բնական գազի ստորգետնյա պահեստավորման համար նախատեսված շինության միջոցառմանը։ Նա մասնավորապես շեշտադրումներ է արել էներգետիկ ոլորտում արվող աշխատանքների թեմայով։

Էրդողանը նշել է, որ էներգետիկան միշտ եղել է Թուրքիայի զարգացման հիմնական առաջնահերթությունը։ Ընդգծել է, որ Թուրքիան այժմ 17-րդ երկիրն է աշխարհում իր քաղաքացիներին և արդյունաբերությանը տրամադրող էներգետիկ ծառայությամբ։ Սպառվում է 160 մլն տոննային համահավասար նավթային էներգիա։

«Դրա նյութական արժեքը, որ 2021-ին եղել է 51 մլրդ դոլար, այս տարի կհասնի 81 մլրդ դոլարի։ Չնայած մեր ներքին և վերականգնվող էներգիայի հզորությունը հասցրել ենք 65 տոկոսի, բայց մենք դեռ ունենք էներգետիկ լուրջ կախվածություն արտաքին աշխարհից»,-»,- ասել է Էրդողանը։

Նա հիշեցրել է օրեր առաջ Թուրքմենստան կատարած այցի ժամանակ ձեռք բերված պայմանավորվածությունների մասին՝ հայտնելով, որ եռակողմ հանդիպումից հետո կողմերը (Թուրքիա, Ադրբեջան, Թուրքմենստան) վճռական են տրամադրված հետագա անելիքներում։

Աղբյուր` TRThaber