Թուրքիան ավելացնում է Շվեդիայի առաջ դրած պայմանները

Քաղաքական12:58, 23 Դեկտեմբեր 2022

Թուրքիան ավելացնում է Շվեդիայի առաջ դրած պայմանները

Շվեդական ռադիոն հայտնել է, որ Թուրքիան ավելացրել է այն մարդկանց թիվը, որոնց Անկարան Շվեդիայից պահանջում է արտահանձնել: Այդ թիվը նախկին 33-ից հասել է 42-ի:

Ինչպես հայտնի է, Թուրքիան Շվեդիայի՝ ՆԱՏՕ-ին անդամակցելու դիմաց պահանջում է, որ շվեդական կողմը Անկարային արտահանձնի գյուլենական համայնքի մի խումբ անդամների, որոնք թուրքական կողմը համարում է ահաբեկիչներ:

Ցուցակում հայտնված անձանց մեծ մասը մեղադրվում է Թուրքիայում ահաբեկչական համարվող կազմակերպություններին անդամակցելու մեջ։

Ցուցակից 16 հոգի կապված է «Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK), 12-ը` գյուլենական, 7-ը` ձախակողմյան խմբավորումների հետ, իսկ վերջին 7 հոգին մեղադրվում են տարբեր հանցագործությունների մեջ:

Հիշեցնենք, որ Մադրիդում կայացած բանակցություններից հետո Թուրքիան համաձայնել է աջակցել Շվեդիայի ու Ֆինլանդիայի անդամակցությանը ՆԱՏՕ-ին՝ առաջ քաշելով մի շարք պահանջներ:

Աղբյուր` Ermenihaber.am