Քաղաքական16:36, 10 Հունվար 2023
Թուրքիան կարող է խոչընդոտել ԵՄ-ի ու ՆԱՏՕ-ի ավելի սերտ համագործակցությանը
Եվրամիությունը (ԵՄ) ու ՆԱՏՕ-ն փոխադարձ համագործակցությունն ավելի սերտացնելու վերաբերյալ նոր պայմանագիր են կնքելու: Ըստ լրատվամիջոցներում հայտնված հրապարակումների՝ ԵՄ-ի ու ՆԱՏՕ-ի ղեկավարների մոտ, սակայն, մտահոգություն կա, որ Թուրքիան հերթական անգամ կարող է խոչընդոտել այդ կառույցների առավել սերտ համագործակցությանը:
Անկարան ավանդաբար ընդդիմանում է նշյալ կառույցների միջև այնպիսի համագործակցությանը, որը նախատեսում է նաև գաղտնի փաստաթղթերի շրջանառություն: Այս հանգամանքը թուրքական կողմը պատճառաբանում է այն բանով, որ վերջինս պաշտոնապես չի ճանաչում Կիպրոսի Հանրապետությունը:
Նշենք, որ ԵՄ անդամ Կիպրոսի մի մասն օկուպացված է Թուրքիայի կողմից դեռևս 1974 թվականից ի վեր:
Աղբյուրը հայտնում է, որ Թուրքիայի նման գործելակերպն է հիմնական պատճառը, որ առ այսօր ԵՄ-ի ու ՆԱՏՕ-ի ռազմական համագործակցության մի շարք ոլորտներ շարունակում են մնալ չկարգավորված:
Ավելացնենք, որ ԵՄ-ի ու ՆԱՏՕ-ի միջև կնքվելիք համաձայնագրով նախատեսվում է սերտացնել համագործակցությունը էներգիայի ու ջրի մատակարարման ենթակառուցվածքների ոլորտներում, ապատեղեկատվության, միության ու դաշինքի երկրների ներքին գործերին դրսից միջամտելու դեմ պայքարի հարցերում:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |