ԱՄՆ-ում կայանալու է Բլինքեն-Չավուշօղլու հանդիպումը

Տարածաշրջան14:40, 17 Հունվար 2023

ԱՄՆ-ում կայանալու է Բլինքեն-Չավուշօղլու հանդիպումը

Թուրքական լրատվամիջոցները ուշադրության կենտրոնում են պահում արտգործնախարար Մևլութ Չավուշօղլուի՝ ԱՄՆ կատարելիք այցը, որի ընթացքում թուրք պաշտոնյան հանդիպելու է ԱՄՆ պետքարտուղար Էնթոնի Բլինքենի:

Ըստ լրատվամիջոցների կանխատեսման՝ թուրք-ամերիկյան հարաբերություններից բացի քննարկվելու են Սիրիայի, Ֆինլանդիայի ու Շվեդիայի՝ ՆԱՏՕ-ին անդամակցելու հարցերը, ինչպես նաև արդիականացված F-16 կործանիչների հարցը, որոնք Վաշինգտոնը պատրաստվում է վաճառել Թուրքիային, F-35 գերժամանակակից կործանիչների փոխարեն:

Օրակարգային հարցերից են լինելու նաև Ռուսաստանի նկատմամբ արևմտյան պատժամիջոցները, որոնց Թուրքիան հրաժարվում է միանալ՝ ուշադրությունը հրավիրելով այն հանգամանքի վրա, որ ռուս-թուրքական առևտրատնտեսական հարաբերությունները բարձր մակարդակի վրա են:

Կողմերը նաև քննարկելու են Սիրիայի հարցը։ Հիշեցվում է, որ 2022թ.-ի վերջին օրերին Մոսկվայում նախարարների մակարդակով հանդիպում էր կայացել Թուրքիայի ու Սիրիայի միջև: Թուրքիայի հետ հարաբերությունները կարգավորելու համար պահանջում է, որ թուրքական բանակն և նրանց աջակցությունը վայելող Սիրիայի ընդդիմադիր խմբավորումները պետք է դուրս գան Սիրիայի հյուսիսից:

Աղբյուր` Ermenihaber.am