Հունաստանը կրկին հումանիտար օգնություն է ուղարկել Թուրքիա

Տարածաշրջան11:57, 22 Փետրվար 2023

Հունաստանը կրկին հումանիտար օգնություն է ուղարկել Թուրքիա

Փետրվարի 6-ին Թուրքիայում տեղի ունեցած 2 ավերիչ երկրաշարժերից հետո այդ երկրին ակտիվորեն հումանիտար օգնություն ուղարկող երկրներից մեկը հունաստանն է, որի հետ վերջին շրջանում Անկարան ուներ լարված հարաբերություններ:

Հունական կողմը հայտնել է Թուրքիա ուղարկվող ևս 110 տոննա հումանիտար օգնության մասին: Հունաստանի փոխարտգործնախարար Անդրեաս Կացանիոտիսի տեղեկացմամբ 11 կոնտեյներներից բաղկացած հումանիտար բեռն արդեն դուրս է եկել հունական Պետրա նավահանգստից:

Ավելի վաղ ևս Հունաստանի ՏԻՄ մարմինների ջանքերով հումանիտար օգնություն էր հավաքվել ու ծովային ճանապարհով ուղարկվել Թուրքիա: Բացի դրանից 120 տ հումանիտար բեռ էլ ցամաքային ճանապարհով Սալոնիկից էր հասցվել Թուրքիայի տարածք: 40 տ. հումանիտար օգնություն էլ Հունաստանի Կարմիր խաչի կազմակերպությունն էր նվիրաբերել երկրաշարժից տուժածներին:

Այս ամենից բացի Արևմտյան Թրակիայի թուրքական փոքրամասնության համերաշխության խորհրդի կողմից կազմակերպված օգնության արշավի շրջանակներում հավաքագրվել և Թուրքիա է ուղարկվել 19 բեռնատար օգնություն:

Աղբյուր` Diken