Անկարան ու Կահիրեն հարաբերությունների կարգավորմանը միտված խորհրդակցություններ կսկսեն

Քաղաքական12:43, 01 Մարտ 2023

Անկարան ու Կահիրեն հարաբերությունների կարգավորմանը միտված խորհրդակցություններ կսկսեն

Եգիպտոսի արտգործնախարարության խոսնակ Ահմեդ Էբու Զեյդն անդրադարձել է Եգիպտոսի ԱԳ նախարար Սամեհ Շուքրինի Թուրքիա կատարած այցին:

Եգիպտոսի «Al-Hayat» և «Sada Al-Balad» հեռուստաալիքներին տված հարցազրույցի ընթացքում խոսնակը նշել է, որ այցի նպատակը եղել է Թուրքիայում տեղի ունեցած երկրաշարժից հետո համերաշխություն հայտնելու համատեքստում: Զեյդը տեղեկացրել է նաև, երկու երկրների միջև սկսված նոր գործընթացի մասին:

«Երկու երկրների միջև հարաբերությունների ամրապնդման նպատակով քննարկումների գործընթաց է սկսվել, որտեղ կան հստակ ազդակներ՝ Կատարում տեղի ունեցած հանդիպումից հետո վերադառնալ հարաբերությունների կարգավորման նորմալ գործընթացին»,-ասել է Էբու Զեյդը:

Խոսնակը մասնավորեցրել է, որ այս գործընթացը հետապնդում է մոտ ապագայում հարաբերություննների կարգավորում:

Հիշեցնենք, որ փետրվարի 27-ին Շուքրին ու Չավուշօղլուն հանդիպել էին Թուրքիայի Մերսին քաղաքում, որտեղ նույն օրը ծովային ճանապարհով ժամանել էր Թուրքիայի երկրաշարժից տուժածների համար Եգիպտոսի հումանիտար օգնությունը:

Հանդիպմանը հաջորդած համատեղ ասուլիսին Եգիպտոսի ԱԳ նախարարը հույս էր հայտնել, որ դրանից հետո երկկողմ հարաբերություններն ավելի բարձր մակարդակի կհասնեն:

Աղբյուր` Anadolu