Թուքիան արձագանքել է Քիրքուքում թուրքմեներենի պաշտոնական կիրառության սահմանափակմանը

Քաղաքական10:57, 02 Մարտ 2023

Թուքիան արձագանքել է Քիրքուքում թուրքմեներենի պաշտոնական կիրառության սահմանափակմանը

Թուրքիայի արտաքին գործերի նախարարությունն (ԱԳՆ) արձագանքել է թուրքմեներենի սահմանափակմանը վերաբերող որոշմանը, որն օրերս ընդունվել է Իրաքի նախարարների խորհրդի գլխավոր քարտուղարության կողմից:

Մասնավորապես քարտուղարության որոշման համաձայն՝ Իրաքի Քիրքուք քաղաքում սահմանափակվում է թուրքմեներենի պաշտոնական կիրառությունը:

Թուրքիայի ԱԳՆ-ի տարածած գրավոր հայտարարությունում վերոնշյալ որոշումը որակվել է որպես Իրաքում փոքրամասնություն կազմող թուրքմենների իրավունքների խախտում և նշվել, որ այս և նմանատիպ քայլերը խաթարում են միասին ապրող ժողովուրդների խաղաղ կեցությունը.

«Մենք կարծում ենք, որ այս քայլը վատ հետևանքներ կունենա և կվնասի Քիրքուքում միասին ապրող ժողովուրդների խաղաղ կեցությունը: Այս որոշումը նաև հակասում է Իրաքի օրենսգրքի 125-րդ կետին, որով Իրաքի իշխանությունները պարտավորվում են ապահովել փոքրամասնությունների կրոնական և մշակութային իրավունքների անխախտելիությունը»:

Թուրքիայի արտգործնախարարությունն Իրաքի իշխանություններին կոչ է արել վերանայել հիշյալ որոշումը:

Աղբյուր` TRThaber.com.tr