Թուրքիայում ռուսական գազի հանգույց բացելու ծրագիրը չի հետաձգվի

Տնտեսական14:47, 13 Մարտ 2023

Թուրքիայում ռուսական գազի հանգույց բացելու ծրագիրը չի հետաձգվի

Ռուսաստանցի մի պաշտոնյա անդրադարձել է ռուս-թուրքական համատեղ ծրագրին՝ կապված Թուրքիայում գազային հանգույց բացելու հետ:

Պաշտոնյան ասել է, որ վերջերս Թուրքիայում տեղի ունեցած ավերիչ երկրաշարժի պատճառով ծրագրում որոշակի շտկումներ կլինեն:

Այս թեմայի շուրջ թուրքական աղբյուրի հետ զրուցել է իրականացրել «Sputnik»-ը, որի ընթացքույմ աղբյուրը տեղեկացրել է. «Այո, Թուրքիայում տեղի ունեցած երկրաշարժից հետո, Թուրքիայում գազային հանգույց հիմնելու ծրագրում պլանավորվում է դիտարկել որոշակի փոփոխություններ», իսկ այն հարցին, թե «Արդյո՞ք պլանավորվում է հետաձգել ծրագրի իրականացումը» թուրքական աղբյուրը պատասխանել է. «Ո՛չ, նման բան քննարումների օրակարգում չկա»:

Թուրքական աղբյուրը հարցազրույցի ընթացքում նաև նշել է, որ իրենք արդեն վերադառնում են իրենց՝ նախքան երկրաշարժն ունեցած օրակարգային հարցերին, որի մեջ է մտնում է նաև վերոնշյալ ծրագիրը:

Հիշեցնենք որ, այս մասին Պուտինը խոսել էր 2022թ.-ի հոկտեմբերի 13-ին, Ղազախստանի մայրաքաղաք Աստանայում գումարված Ասիայում փոխգործության և վստահության միջոցների 6-րդ գագաթնաժողովի շրջանակներում Թուրքիայի նախագահ Ռեջեփ Թայիփ Էրդողանի հետ ունեցած հանդիպման ընթացքում:

«Մենք կարող ենք դիտարկել ևս մեկ գազատար կառուցելու և այլ երկրներ՝ նախևառաջ եվրոպական երկրներ, վառելիքն ուղարկելու համար Թուրքիայում գազի մատակարարման հանգույց ստեղծելու գաղափարը, իհարկե, միայն այն դեպքում, եթե այդ երկրները հետաքրքրված լինեն դրանով»,- ասել էր Պուտինը:

Աղբյուր` Sputnik