Թուրքիայի դեսպան․ «Դեպի Չինաստան արտահանումները ռեկորդ են սահմանել»

Տնտեսական17:33, 15 Մարտ 2023

Թուրքիայի դեսպան․ «Դեպի Չինաստան արտահանումները ռեկորդ են սահմանել»

Չինաստանում Թուրքիայի արտակարգ և լիազոր դեսպան Աբդուլքադիր Էմին Օնենը, ում ծառայության ժամկետը շուտով լրանալու է, հանդես է եկել 5 տարվա կատարած աշխատանքի ամփոփիչ ելույթով։ Նա ասել է, որ Չինաստան կատարած արտահանումներն ավելի բազմազան են դարձրել և ռեկորդ սահմանել՝ արտահանման ծավալները հասցնելով 3․7 մլրդ դոլարի։

Խոսելով երկկողմ հարաբերություններից՝ Թուրքիայի դեսպանն ընդգծել է, որ չնայած պանդեմիկ շրջանին՝ դրանք խորացել են։ Տարածաշրջանային ու համաշխարհային խնդիրների շուրջ ևս թուրք-չինական համագործակցությունը խորացել է։

«Չինաստանը վերջին 5 տարվա ընթացքում 4․3 մլրդ դոլարի ներդրում է արել Թուրքիայում։ 2018-ին, երբ սննդի և գյուղատնտեսական ապրանքների արտահանումը Չինաստան կազմում էր 139 մլն դոլար, 2021-ին հասել է 361 մլն դոլարի՝ գրանցելով 159% աճ»։

Նա նաև նշել է, որ չինական էլեկտրոնային առևտրային հարթակները թուրքական ֆիրմաների հետ համագործակցում են և ներկայացնում թուրքական ապրանքանիշերը։

Աղբյուր` gunes.com