Թուրքիա-Ռուսաստան-Իրան-Սիրիա քառակողմ հանդիպումը հետաձգվում է

Քաղաքական15:48, 16 Մարտ 2023

Թուրքիա-Ռուսաստան-Իրան-Սիրիա քառակողմ հանդիպումը հետաձգվում է

Օրեր առաջ Թուրքիայի արտգործնախարար Մևլյութ Չավուշօղլուն Իրանի արտգործնախարար Հոսեին Ամիր Աբդոլլահիանի հետ հանդիպման ժամանակ հայտնել էր, որ Ռուսաստանում քառակողմ՝ Թուրքիա-Սիրիա-Իրան-Ռուսաստան հանդիպում է նախատեսվում արտգործնախարարների մակարդակով:

Ըստ թուրքական կողմի՝ ռուսական կողմից արդեն հրավեր կա և կողմերի փոխարտգործնախարարները մարտի 15-ին պետք է ժամանեին Մոսկվա հանդիպման մանրամասները քննարկելու համար։ Սակայն, մարտի 16-ին պարզ է դարձել, որ հանդիպումը տեխնիկական պատճառներով անհայտ ժամանակով հետաձգվել է։

Այդ մասին հայտնել էր Reuters-ը՝ Թուրքիայի ԱԳՆ-ից ստացված տեղեկության վրա հիմնվելով։

Մոսկվայում «Sputnik» լրատվական գործակալության հետ զրույցում Սիրիայի նախագահ Բաշար Ասադը հայտարարել է, որ Թուրքիայի նախագահ Ռեջեփ Թայիփ Էրդողանի հետ կհանդիպի, եթե Թուրքիան դուրս գա Սիրիայի հյուսիսային հատվածից ամբողջությամբ, չհովանավորի ահաբեկչական խմբերին և նշել, որ իրենց համար Թուրքիան օկուպանտ պետություն է։

Աղբյուր` haber.sol.org.tr