Ընտրություններին ընդառաջ Թուրքիայում ԱՄՆ դեսպանը՝ ընդդիմադիր կուսացկության շտաբում

Քաղաքական15:50, 30 Մարտ 2023

Ընտրություններին ընդառաջ Թուրքիայում ԱՄՆ դեսպանը՝ ընդդիմադիր կուսացկության շտաբում

Թուրքիայի «Ժողովրդահանրապետական» կուսակցության (ՀԺԿ-CHP) առաջնորդ Քեմալ Քըլըչդարօղլուն կուսացկության կենտրոնական շտաբում հյուրընկալել է Թուրքիայում Ամերիկայի Միացյալ նահանգների (ԱՄՆ) դեսպան Ջեֆրի Ֆլեյքին:

Հանդիպմանը ներկա է եկել նաև ՀԺԿ նախագահի խորհրդական Ունալ Չեվիքօզը:

Նախկինում էլ Քըլըչդարօղլուն հանդիպում էր ունեցել ամերիկացի դեսպանի հետ, որից հետո Թուրքիայում ԱՄՆ-ի դեսպանը կանչվել էր Թուրքիայի ԱԳՆ:

Որոշ թուրք սյունակագիրներ նմանատիպ հանդիպումները որակում են որպես ԱՄՆ-ի կողմից միջամտություն Թուրքիայի ներքին գործերին:

Հիշեցնենք, որ մայիսի 14-ին Թուրքիայում տեղի կունենան նախագահական և խորհրդարանական ընտրություններ։ Թուրքիայի բարձրագույն ընտրական հանձնաժողովը հայտնել է, որ խորհրդարանական ընտրություններին կմասնակցի 36 կուսակցություն։ Ընդդիմադիր խոշորագույն դաշինքի առաջադրած նախագահի թեկնածուն քեմալականների «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն է։