Իրաքի վարչապետ. «Մենք երախտապարտ ենք Թուրքիային իր ջանքերի համար»

Քաղաքական15:28, 04 Ապրիլ 2023

Իրաքի վարչապետ. «Մենք երախտապարտ ենք Թուրքիային իր ջանքերի համար»

Իրաքի վարչապետ Մուհամմեդ Շիյա Սուդանին օրերս հարցազրույց է տվել արաբական «Al Jazeera» հեռուստաընկերությանը:

Նա, անդրադառնալով Թուրքիայի հետ ունեցած հարաբերություններին, հայտարարել է. «Հարևան Թուրքիայի հետ շատ համագործակցություններ և շահեր են առկա: Ջրի և անվտանգության թեմաներում որոշ խնդիրներ կան, սակայն դրանց լուծման համար մեծ հնարավորություններ էլ են առկա: Մենք երախտապարտ ենք Թուրքիային ջանքերի համար, որոնք ուղղված են Իրաքի ջրի բաժինի ապահովմանը»։

Սուդանին նաև ասել է, որ երկկողմ հարաբերությունների ամրապնդման համար ռազմավարական ծրագրեր են իրականացվելու մոտ ապագայում:

Նշելով, որ իրենք թույլ չեն տալու, որ Իրաքը հարևան երկրների համար դառնա հարձակման դաշտ, Սուդանին հայտնել է, որ այդ ուղղությամբ Իրանի և Թուրքիայի հետ համատեղ հանձնաժողովներ են կազմվել, և աշխատանքներ են տարվում:

Նա ավելացրել է, որ Իրանի և Սաուդյան Արաբիայի վերականգնվող հարաբերությունները կարևոր են տարածաշրջանում կայունության և զարգացման համար, իսկ Սիրիան պետք է վերադառանա Արաբական պետությունների լիգա:

Աղբյուր` Anadolu Ajansi