Հունական մամուլ․ «Թուրքիայում ընդդիադիրների և Էրդողանի միջև պայքարը ծայրահեղության է հասել»

Քաղաքական15:07, 04 Ապրիլ 2023

Հունական մամուլ․ «Թուրքիայում ընդդիադիրների և Էրդողանի միջև պայքարը ծայրահեղության է հասել»

Թուրքիայում նախընտրական գործընթացները շարունակում են մնալ արտասահմանյան մամուլի ուշադրության կենտրոնում։ Այս անգամ թուրքական մամուլում տեղ են գտել հունական թերթերի հրապարակած վերլուծություններըը։

Մասնավորապես, հունական «Protothema»-ի «Ընտրություններ Թուրքիայում․ Էրդողանը 8%-ով առջևում է» վերնագրով հոդվածում նշվում է․ «Քառյակ դաշինքը, ընդդիմադիր դաշինքի 34%-ի դիմաց ունի 42% ձայն», որտեղ քառյակ դաշինքը «Ժողովուրդ» դաշինքն է, իսկ ընդդիմադիր դաշինքը՝ «Ազգ» դաշինքն է։

Իսկ մեկ այլ հունական «Ethnos» պարբերականը ընտրությունների վերաբերյալ գրել է․ «Թուրքիայում ընտրություններից առաջ ընդդիմադիրների և Ռեջեփ Թայիփ Էրդողանի միջև հակամարտությունը ծայրահեղության է հասել»։

Հիշեցնենք, որ ավելի վաղ՝ մարտի 27-ին թուրքական «Demokrathaber» կայքը հրապարակել էր մարտին տարբեր սոցիոլոգիական կազմակերպությունների կողմից ընտրությունների թեմայով անցկացված սոցհարցումների միջինացված ցուցանիշը:

Ըստ այդմ՝ թուրքական Yoylelem, MAK, ArtıBir, GENAR, Saros, ORC, Turkey Report, AR-G, Aksoy, PIAR և ALF ընկերությունների կողմից մարտին անցկացված հարցումները ձևավորել էին հետևյալ պատկերը.

Իշխող «Արդարություն և զարգացում» կուսակցությունը (AKP-ԱԶԿ) ստացել էր հարցվածների 32,8%-ի աջակցությունը: Թուրքիայի մեծությամբ 2-րդ քաղաքական կուսակցությունը ընդդիմադիր «Ժողովրդահանրապետականը» (CHP-ԺՀԿ) ստացել էր 27.2% աջակցություն: 3-րդը ԺՀԿ-ի հետ դաշինքի մեջ գտնվող ազգայնական ուղղվածությամբ ընդդիմադիր «Լավ» (IK-ԼԿ) կուսակցությունն էր 10.5%: Իշխող ԱԶԿ-ի դաշնակից «Ազգայնական շարժում» (MHP-ԱՇԿ) կուսակցությունն էլ ստացել էր հարցվածների 6.5%-ի աջակցությունը:

Աղբյուր` sondakika.com