Թուրքիայում զինված հարձակում է տեղի ունեցել ընդդիմադիր կուսակցության գրասենյակի մոտ

Քաղաքական15:49, 06 Ապրիլ 2023

Թուրքիայում զինված հարձակում է տեղի ունեցել ընդդիմադիր կուսակցության գրասենյակի մոտ

Ապրիլի 6-ին Թուրքիայում զինված հարձակում է տեղի ունեցել ընդդիմաադիր քեմալական «Ժողովրդահանրապետական» կուսակցության (CHP) Ստամբուլի գրասենյակի մոտակայքում: Ինչպես նշել է կուսակցության գրասենյակի անվտանգության աշխատակիցը, հնչել է 6-7 կրակոց:

Կուսակցության Ստամբուլի նահանգային գրասենյակի ղեկավար Ջանան Քաֆթանջըօղլուի խոսքերով, հարձակումը փորձել են իրականացնել կուսակցության շենքի վրա:

Մի շարք կուսակցական և այլ քաղգործիչներ, այդ թվում «Հայրենիք» կուսակցության նախագահ և գալիք ընտրություններում նախագահի թեկնածու Մուհարեմ Ինջեն, ով նախկինում «Ժողովրդահանրապետական» կուսակցության անդամ է եղել, հանդես են եկել դատապարտող հայտարարություններով:

Հիշեցնենք, որ ավելի վաղ հարձակում էր տեղի ունեցել նաև «Լավ» կուսակցության Ստամբուլի գրասենյակի վրա, և մի շարք ընդդիմադիր գործիչներ մեղադրել էին իշխող կուսակցությանը հարձակումը կազմակերպելու համար:

Աղբյուր` Artigercek