Էրդողանը առողջական խնդիրների ֆոնին առցանց մասնակցում նախապես ծրագրված միջոցառումներին

Քաղաքական15:56, 28 Ապրիլ 2023

Էրդողանը առողջական խնդիրների ֆոնին առցանց մասնակցում նախապես ծրագրված միջոցառումներին

Թուրքիայի նախագահ Ռեջեփ Թայիփ Էրդողանը նախագահական նստավայրից առցանց տարբերակով է մասնակցելու ապրիլի 28-ին, ժամը 16:30-ն կայանալիք Ադանայի հուլիսի 15-ի նահատակների կամրջի բացման արարողությանը:

Թուրքական աղբյուրի հաղորդմամբ՝ ապրիլի 25-ից հետո Էրդողանի առցանց մասնակցությունն արարողություններին առաջին անգամ չէ: Նախապես ապրիլի 27-ին ծրագրված «Աքքույու» ատոմակայանի միջուկային վառելիքի բեռնման արարաղությունը Թուրքիայի նախագահը ևս մասնակցել է առցանց տարբերակով:

Պարզ է դարձել նաև նախապես ծրագրված մի շարք միջոցառումների չեղարկման մասին: Ինչպես օրինակ՝ Թուրքիայի հարավ-արևմուտքում գտնվող Մերսին քաղաքի հավաքը և «Euro D», « ATV Avrupa», «TRT Worl», «NTV Avrupa» հեռուստաալիքների համատեղ հարցազրույցը:

Հիշեցնենք, որ ապրիլի 25-ին «Kanal 7» և «Ülke TV» հեռուստաալիքներին ուղիղ եթերով հարցազրույց տալու ժամանակ հանկարծակի վատացել է Թուրքիայի նախագահ Ռեջեփ Թայիփ Էրդողանի ինքնազգացողությունը, որից հետո հեռարձակումը դադարեցվել էր: Շուրջ 25 րոպե ընդմիջումից հետո միայն եթերը վերականգնվեց:

Աղբյուր` Birgun.net