Քաղաքական20:08, 13 Մայիս 2023
Պոլսահայ գործիչ. «Հակված եմ կարծելու, որ Քըլըչդարօղլուն 50%-ից ավել ձայն կհավաքի»
Ermenihaber.am-ի կողմից կազմակերպված «2023 մայիսի 14․ Թուրքիայի ընտրություններ» խորագրով վեբինարի ընթացքում Ստամբուլի հայկական «Նոր Զարթոնք» կազմակերպության համահիմնադիր, հասարակական գործիչ Ջան Էրզրումլուօղլուն ներկայացրել է Թուրքիայում տիրող իրավիճակը: Ըստ նրա՝ երկրում բավականին լուրջ տնտեսական ճգնաժամ է։
«Ես, որպես մեկը, ով բնակվում է այստեղ, պիտի ասեմ, որ ամեն օր դա շատ հստակ զգում ենք»,- փաստում է Էրզրումլուօղլուն՝ շեշտելով, որ Թուրքիայում թանկացումներն ամենօրյա կտրվածքով են, ինչի արդյունքում էլ շատ բարդ իրավիճակ է ստեղծվել և մեծամասնության համար իսկապես դժվար կացություն է: Միջին խավը վերանում է:
Ընդգծելով Թուրքիայում առկա բազմաթիվ խնդիրներիը՝ Էրզրումլուօղլուն առանձնացրել է նաև ժողովրդավարությանն առնչվող խնդիրներ, որոնք հիմնականում կարևոր են ազգային փոքրամասնությունների համար.
«Ահա, պատրիարքի ընտրություններում ականատես եղանք: Հավատքի ազատությունը խաթարվեց, ընտրություններին միջամտություն եղավ»:
Էրզրումլուօղլուն հույս է հայտնել, որ այդ խնդիրները կլուծվեն երբ իշախնությունները փոխվեն և նշել իր տեսակետը, ըստ որի՝ այն կարող է իրականություն դառնալ, եթե Թուրքիայի գլլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ և «Ազգ» դաշինքի միասնական թեկնածու Քեմալ Քըլըչդարօղլուն հաղթի նախագահական ընտրություններում։
«Թեև Քըլըչդարօղլուի կուսակցության և ընդդիմության կազմում ևս կան ազգայնականներ, բայց հնարավոր է որոշակի մեղմ քաղաքականություն լինի: Գուցե ավելի խաղաղ ժամանակաշրջան լինի: Հույս ունեմ, որ թեկուզ մասամբ, բայց կարող է լինել»:
Ermenihaber.am-ի թղթակցի «1-ին փուլում ընտրությունները կավատրվե՞ն, կամ ո՞վ կհաղթի» հարցին ի պատասխան՝ Էրզուրումլուօղլուն ասել է.
«Բավականին դժվար հարց է: Հետևում եմ սոցհարցումներին, սակայն իսկապես դժվար է կախնխատեսումներ անել այնտեղից, որտեղ ես եմ գտնվում: Ես չեմ կարող ասել, թե որքան ժողովրդավարական կլինեն ընտրությունները, կամ արդյոք միջամտույթուն կլինի թե ոչ, բայց հակված եմ կարծելու, որ Քըլըչդարօղլուն 50%-ից ավել ձայն կհավաքի»:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |