Հունաստանի արտգործնախարար. «Մենք Թուրքիայի հետ պատերազմի շեմին ենք»

Քաղաքական08:14, 17 Մայիս 2023

Հունաստանի արտգործնախարար. «Մենք Թուրքիայի հետ պատերազմի շեմին ենք»

Հունաստանի արտգործնախարար Նիկոս Դենիդասը մայիսի 21-ին Հունաստանում անցկացվելիք ընտրություններին ընդառաջ խոսել է իր կարիերայում տեղի ունեցած որոշ դեպքերի մասին:

Նա մանրամասներ է ներկայացրել 2021-ի ապրիլի 15-ին Թուրքիայի արտաքին գործերի նախարար Մևլյութ Չավուշօղլուի հետ ունեցած հանդիպումից:

Հանդիպման օրակարգում եղել են Արևելյան Միջերկրականին, ազգային փոքրամասնությունների իրավունքներին, Էգեյան ծովի մայրցամաքային շելֆերին, կղզիների սպառազինությանը և ներգաղթյալներին առնչվող հարցեր:

Դենդիասի խոսքով՝ հանդիպման ժամանակ իր և Չավուշօղլուի միջև բանավեճ է եղել, իսկ դրան հաջորդած ընթրիքի մթնոլորտը՝ ահավոր։ Ու շուրջ 20 րոպե սառույցի պես քարացած ներկաներից և ոչ մեկը չի խոսել:

Նշենք, որ հիշյալ հանդիպման մանրամասներից բացի նույն աղբյուրի հաղորդմամբ՝ youtube-ում տեղադրված տեսանյութում Հունաստանի արտգործնախարարն ասել է. «Մենք Թուրքիայի հետ պատերազմի շեմին ենք: Եվ սա կատակ չէ»:

Աղբյուր` Milliyet.com.tr