Ամերիկացի տնտեսագետ. «Էրդողանի ընտրվելու դեպքում երկրի կբախվի տոտալ ֆինանսական ճգնաժամի»

Տնտեսական11:37, 18 Մայիս 2023

Ամերիկացի տնտեսագետ. «Էրդողանի ընտրվելու դեպքում երկրի կբախվի տոտալ ֆինանսական ճգնաժամի»

Ճշգրիտ կանխատեսումներով հայտնի ամերիկացի հայտնի տնտեսագետ Նուրիել Ռուբինին վատատեսական կանխատեսումներ է արել Թուրքիայի տնտեսության վերաբերյալ:

Twitter-ում արած գրառմամբ 2008-ի համաշխարհային տնտեսական ճգնաժամը ճշգրիտ կանխատեսած տնտեսագետը նշել է, որ Թուրքիայի գործող նախագահ Ռեջեփ Թայիփ Էրդողանի վերընտրվելու դեպքում երկիրը կհայտնվի ամբողջական ֆինանսական ճգնաժամի մեջ:

«Եթե Էրդողանը հաղթի նախագահական ընտրություններում, ինչը հավանական է թվում, Թուրքիան կբախվի տոտալ արժութային և ֆինանսական ճգնաժամի: Կենտրոնական բանկի զուտ պահուստները ներկայումս պակաս են 60 մլրդ դոլարով, ընթացիկ դեֆիցիտն աճում է, իսկ գնաճը դուրս է եկել վերահսկողությունից» ,- գրել է Ռուբինին:

Նշենք, որ Թուրքիայում նախագահական ընտրությունների 2-րդ փուլը տեղի կունենա մայիսի 28-ին: Մայիսի 14-ին տեղի ունեցած 1-ին փուլում գործող նախագահ Ռեջեփ Թայիփ Էրդողանը հավաքել է 49.50%, իսկ ընդդիմադիր «Ազգ» դաշինքի միասնական թեկնածու Քեմալ Քըլըչդարօղլուն՝ 44.89%:

Աղբյուր` OdaTv