Հարավային Կորեան ծրագրում է ներդրում անել Թուրքիայի միջուկային էներգիայի ոլորտում

Տնտեսական14:56, 07 Հունիս 2023

Հարավային Կորեան ծրագրում է ներդրում անել Թուրքիայի միջուկային էներգիայի ոլորտում

Թուրքիայի Էներգետիկայի և բնական պաշարների նախարարության աջակցությամբ Անկարայի արդյունաբերական պալատի և Միջուկային արդյունաբերության ասոցացիայի կողմից հունիսի 21-ից 22-ը Ստամբուլում տեղի կունենա ատոմակայանների 5-րդ էքսպո-ցուցահանդեսը և ատոմակայանների 9-րդ գագաթնաժողովը (NPPES)։

Դրանք Թուրքիայում, Աֆրիկայում և Մերձավոր Արևելքում միջուկային էներգիայի ամենամեծ իրադարձությունն են։ Այդ ընթացքում նախատեսվում է նոր տեխնոլոգիաների և բիզնես հնարավորությունների քննարկում։

Անկարայի արդյունաբերական պալատի նախագահ Սեյիթ Արդըչը հայտնել է, որ գագաթնաժողովի առանցքային թեմաներից մեկը լինելու է Աքքույու ատոմակայանում ընթացող շինարարական գործընթացը։

Իսկ միջուկային արդյունաբերության ասոցացիայի նախագահ Ալիքան Չիֆթչին էլ նշել է, որ այս տարի մասնակցելու են նաև Կորեայի միջուկային ասոցացիան և կորեացի միջուկային մատակարարները։ Նրանք թուրքական ընկերությունների հետ կխոսեն նոր ներդրումների մասին։

Հարավային Կորեայի «Electric Power» կորպորացիան Թուրքիայում նոր միջուկային կայան կառուցելու շուրջ բանակցություններ էր սկսել դեռևս 2022-ին։ Ընկերության նախագահ Չյոնգ Սեունգ Իլը հանդիպել էր Թուրքիայի Էներգետիկայի նախարար Ֆաթիհ Դոնմեզի հետ և ներկայացրել երկրի հյուսիասյին հատվածում չորս ռեակտոր կառուցելու մասին իրենց առաջարկը։

Աղբյուր` tr.al-ain.com