Թուրքիայի ԱԳՆ-ն քննադատել է Իսրայելի գործողությունները Պաղեստինի գրավյալ տարածքներում

Քաղաքական16:16, 19 Հունիս 2023

Թուրքիայի ԱԳՆ-ն քննադատել է Իսրայելի գործողությունները Պաղեստինի գրավյալ տարածքներում

Հունիսի 19-ին Թուրքիայի արտգործնախարարությունը դատապարտել է Իսրայելի վերահսկողության տակ գտնվող Արևմտյան ափին իրականացվող շինարարական աշխատանքները:

Մասնավորապես Թուրքիայի դիվանագիտական գերատեսչության կողմից անընդունելի է համարվել Պաղեստինում և Արևմտյան ափի շուրջ 19 քաղաքներում 4.500 նոր բնակելի շենքերի կառուցումը:

Հայտարարությամբ նաև Իսրայելի գործողությունները Թուրքիան որակել է որպես «միջազգային իրավունքին և ՄԱԿ-ի մեխանիզմներին» հակասող գործողություններ:

«Թուրքիան, 1967թ․ սահմանները հիմք ընդունելով, շարունակելու է աջակցել Պաղեստինի պետականության ամբողջացմանն ուղղված «Երկու ազգ, երկու պետություն» սկզբունքի կյանքի կոչման այն ջանքերին, որի մայրաքաղաքն է Արևելյան Երուսաղեմը։ Դրան է պատկանում աշխարհագրական ամբողջականությունը, անկախությունն ու ինքնիշխանությունը»,- նշված է եղել հայտարարություն մեջ:

Հիշեցնենք, որ Թուրքիայի ԱԳ նախարարությունը նմանատիպ հայտարարություն էր տարածել նաև 2022-ի հունվարի 21-ին՝ Իսրայելի արաբական տարածքներում շուրջ 2.600 նոր բնակելի շենքեր կառուցելու որոշման հաջորդ օրը:

Աղբյուր` aa.com.tr